อนุปาทินฺนํ อกุสลํ ธมฺมํ ปฏิจฺจ นอุปาทินฺโน นอกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ (อพฺยากตมูลํ เอกํเยวฯ)

มหนฺตรทุกํ นิฏฺฐิตํฯ

69-82-1. ทฺวิโคจฺฉกานิ-กุสลตฺติกํ

[61] โนอุปาทานํ กุสลํ ธมฺมํ ปฏิจฺจ โนอุปาทาโน นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

อุปาทานํ อกุสลํ ธมฺมํ ปฏิจฺจ โนอุปาทาโน นอกุสโล ธมฺโม อุปฺปชฺชติ เหตุปจฺจยา… เหตุยา ตีณิฯ

โนกิเลสํ กุสลํ ธมฺมํ ปฏิจฺจ โนกิเลโส นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ (สํขิตฺตํฯ)

83-1. ทสฺสเนนปหาตพฺพทุก-กุสลตฺติกํ

[62] นทสฺสเนน ปหาตพฺพํ กุสลํ ธมฺมํ ปฏิจฺจ นทสฺสเนน ปหาตพฺโพ นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

ทสฺสเนน ปหาตพฺพํ อกุสลํ ธมฺมํ ปฏิจฺจ นทสฺสเนน ปหาตพฺโพ นอกุสโล ธมฺโม อุปฺปชฺชติ เหตุปจฺจยาฯ นทสฺสเนน ปหาตพฺพํ อกุสลํ ธมฺมํ ปฏิจฺจ นทสฺสเนน ปหาตพฺโพ นอกุสโล ธมฺโม อุปฺปชฺชติ เหตุปจฺจยาฯ เหตุยา ทฺเวฯ

นทสฺสเนน ปหาตพฺพํ อพฺยากตํ ธมฺมํ ปจฺจยา นนทสฺสเนน ปหาตพฺโพ นอพฺยากโต ธมฺโม อุปฺปชฺชติ เหตุปจฺจยา… เหตุยา ทฺเวฯ

84-1. ภาวนายปหาตพฺพทุก-กุสลตฺติกํ

[63] นภาวนาย ปหาตพฺพํ กุสลํ ธมฺมํ ปฏิจฺจ นภาวนาย ปหาตพฺโพ นกุสโล ธมฺโม อุปฺปชฺชติ เหตุปจฺจยาฯ เหตุยา เอกํฯ

ภาวนาย ปหาตพฺพํ อกุสลํ ธมฺมํ ปฏิจฺจ นภาวนาย ปหาตพฺโพ นอกุสโล ธมฺโม อุปฺปชฺชติ เหตุปจฺจยา… เหตุยา ทฺเวฯ

นภาวนาย ปหาตพฺพํ อพฺยากตํ ธมฺมํ ปจฺจยา นนภาวนาย ปหาตพฺโพ นอพฺยากโต ธมฺโม อุปฺปชฺชติ เหตุปจฺจยา… เหตุยา ทฺเวฯ

85-1. ทสฺสเนนปหาตพฺพเหตุกทุก-กุสลตฺติกํ